मेरा रहने दो

Ek daur tha humara, sabhi ka ek daur hota hai. Sabko apna daur accha lagta hai jaise ki mere dad ko unka or mere dadaji ko unka daur bada accha lagta hai. Lekin jis daur me bachpan ke liye jagah na ho vo daur kis kaam ka. Aaj ka daur kis kaam ka.

Humare vakht me hum jee bharke shetani karte the, itni shetani ke bade budhe maafi maang jate the. Yakinan humari daant bhi padti thi par har shetani ke sath kuch sikhne ko milta tha. Jaise ped se girne par pata chalta tha pichvade ki chot kitna dard deti hai. Or raat me chupan-chupai khelte samay jab bicchu ne kaat liya tha to pata chala ki hum sabce lad sakte hai par bicchu se nahi. Ice-cream vale ke sath kai kilo meter door nikal jane baad pata chalta tha k ghar se bahut door nikal aye hai or vapas aa kar dady hath me danda lekar khade rahte the.

Apno se daant kha kar hi apne pan ka ahsaas hota hai na ki facebook par like ya comment karke. Humne apne daur me vo sab kiya jo bachpan me karna chahiye. Aaj kal aisa nahi hota, kitabon ka or samman ka bojh jhelte bacche ab bachpan me hi bhudhe ho jate hai.