Aaj ki mehnat

Kahte hai zindgi har pal hume kuch na kuch sikhati hai. Kahte to hai kafi loog kahte hai par kyon. Kahne vale to kahte rahte hai. "Jitne mu utni baten", aisa bhi to kahne valo ne hi kaha hai.

Aaj meri byke kharab ho gayi to subeh jim paidal hi chala gaya. School k baad kabhi itna paidal nahi chala to chalte chalte per me ek chota sa chala pad gaya. Left per me choti vali ungli ke niche. Jim me excersize ki or vapas aa raha tha ki raste me socha thoda baith jau. Ek chai ki choti dukan thi, vahin par baith gaya. Juta khola or chala dekha. Chai vale ne pucha kya ho gaya, mene kaha kuch nahi, chala pad gaya hai, vo aaj zada chal liya hun. Chai vala hasne laga or ek line me usne meri sari zindgi ki jhand kar dali.

Ek hi second me meri sari zindgi mere ankho ke samne se nikal gayi. Laga me to kuch hun hi nahi. Koi experience nahi hai mujhe. Abhi to bahut kuch karna baki hai. Us ek line ne mujhe rooz paidal chalne par majboor kiya.

Kya kaha usne aisa? Zada na sochiye me batata hun. Mene jaise hi kaha ," kuch nahi,  chala pad gaya hai, vo aaj zada chal liya hun", vo mahashay bole ," zada nahi chale ho isliye to chala pad gaya hai........."