Khud se kabhi ?? Bolte ho ??

Khud se kabhi boolete ho?

kabhi akele me 

pagal ki tarah 

khud ko toolte ho?

bolo? k khud se kabhi boolte ho?

ya hamesha doosro ko

chup kar, jhank kar, chori se

dekhte ho, k kiski peeth khuli hai?

kiski chunri maili hai ?

kiska batua nikal raha hai?

kiski bhook badi hai?

kiska raaj bada hai?

kiski akal choti hai ?

kya kabhi dekha hai?

apni chunri ki taraf,

apne nakhoono ki taraf,

apne joote me lagi mitti ki taraf.

Dekho k jooto me laal mitti hai

shayad khhon se sani hai.

Dekho nakhoono ki taraf

kisi ki phansi usme chamdi hai.

Dekho apni chunri 

zaroorat se zada saaf hai,

itna saaf hona aaj kal paap hai.

Sharifo k paas to bus roti hoti hai.

Unki kameezen chamakti nahi, 

bus paseene se or neel se dhulti hai.

Ye to tumhare mu hai, k 

jinme murge ki boti hoti hai

ghar bada hota hai 

or dil ki nali choti hoti hai

Jab duniya bhar ki buraee toolte ho,

to khud se kyo nahi boolte ho?

Khud se bol kar to dekho,

agar sharm aa gayi to,

Banane wale ka dil bada hai.

Pachtaane wala agar sir pe khada hai. 

Wo jisne sabka dil banaya. 

Uska dil sabce bada hai. 

jugnu